په سعودي عربستان کې د یوې ترافیکي پېښې له امله درې افغانان مړه شوي دي.

په سعودي کې مېشت افغان محصل محمود  صافي ویلي چې دا افغانان له قطر څخه د عمرې  ادا کولو په موخه ورغلي وو.

هغه زیاته کړه، قطر ته د بېرته تګ پر مهال په لاره کې یې موټر ترافیکي پېښه کې کړې او درې واړه مړه شوي دي.

صافي وویل چې د دوی جسدونه قطر ته لېږدول شوي او همالته یې د جنازې لمونځونه ادا شوي دي، خو دا یې نه دي ویلي چې جسدونه یې هېواد ته لېږدول شوي او که په قطر کې خاورو ته سپارل شوي.
 
جمهورخبري آژانس