طالبانو په یوه میاشت کې په ۱۳۷ مواردو کې د مرستو په بهیر کې مداخله کړې ده

اوچا یا د ملګرو ملتونو د بشري مرستو د همغږۍ دفتر وايي، طالبانو د روان کال په وروستۍ میاشت کې په ۱۳۷ مواردو کې د نړیوالو موسسو له خوا د افغانستان خلکو ته د مرستو رسولو په بهیر کې لاسوهنه کړې ده.

دغه دفتر نن پنجشنبې د سلواغې ۲۶ مه د یوه راپور په خپرولو سره د طالبانو د نوم له یادولو پرته ویلي چې دغه ډول چلند په افغانستان کې له اړمنو سره د مرستو پر پروګرام اغېز کړی دی.

د روان کال په جنورۍ میاشت کې دغې ادارې په پلان کې د لاسوهنې ۳۹ قضیې، د کارکوونکو د لیستونو او حساسو اسنادو د غوښتنې ۲۳ قضيې، د یادداشتونو په لاسلیک کې د ځنډ ۲۲ قضیې، د ګټه اخیستونکو د ټاکلو ۱۰ قضيې، په ټاکنو کې د ښځو پر ونډې د محدودیت ۸ پېښې ثبت شوې دي. د مرستو په چارو کې د لاسوهنې ۵ قضيې د کارکوونکو د استخدام او ۳ د تفتیش د عملیاتو او یوه د تدارکاتو په چارو کې د لاسوهنې قضیه ثبت شوې ده.

د دې راپور پر بنسټ، د نورو مداخلو 22 قضیې په ارزونو کې د ښځو د ونډې محدودول او د ویش په ځایونو کې حاضري، روغتیایی اسانتیاوو ته لاسرسی، د کارمندانو محرم شتون، نارینه ډاکټرانو ته د ښځینه ناروغانو نه راجع کول، او د جامو اغوستل شامل دي.

اوچا زیاته کړه چې د مداخلې دا قضیې د تیرو میاشتو په پرتله 46٪ زیاتوالی ښیي.

د اوچا په وینا، د بشري فعالیتونو په پلي کولو کې ډیری مداخلې، فزیکي چاپیریال او خدماتو او مرستو ته د جګړې له امله د اغیزمنو خلکو د لاسرسي محدودیت یا مخنیوی دی.

راپور زیاتوي چې دا مداخلې د دې لامل شوې چې "د روان کال په جنوري کې ټولټال 75 پروژې د محدودیتونو له امله وځنډول شوې، چې 60٪ پروژې د فبرورۍ تر میاشتې پورې وځنډول شوې."

خبرگزاری جمهور
​