د افغانستان د بشري حقونو مدافعینو د جنسیتي توپیر په اړه د ملګرو ملتونو د کارپوهانو د وړاندیز ملاتړ وکړ

د افغانستان د بشري حقونو د مدافعانو ټولنې د ملګرو ملتونو د کارپوهانو د وړاندیز او غوښتنې ملاتړ وکړ چې د جنسیت توپیر د بشریت ضد جرم په توګه وپیژندل شي.

دغه فورم د يوې اعلاميې په خپرولو سره له ملګرو ملتونو او د نړۍ له دولتونو وغوښتل چې د بشري حقونو دغه ناوړه سرغړونې ته ځانګړې پاملرنه وکړي او د پيژندلو لپاره يې رغنده ګامونه پورته کړي.

د دې فورم د اعلامیې پر بنسټ، د جنسیتي توپیر د ښکاره جرم په توګه پیژندل به عاملین د قوانینو په وړاندې ځواب ویونکي کړي او د ښځو په وړاندې د بشري ضد کړنو مخه ونیسي.

په اعلامیه کې له مدني بنسټونو، رسنیو، فکري بنسټونو، علمي بنسټونو او روڼ اندو شخصیتونو غوښتل شوي چې په ملي، سیمه ییزه او نړیواله کچه د جنسیتي تبعیض د یوه بشري ضد عمل په توګه په رسمیت وپېژني او په دې کمپاین کې دې برخه واخلي.

اعلامیې زیاته کړې چې د بشریت پر وړاندې د یو جرم په توګه د جنسیتي توپیر پیژندل به مهمې نړیوالې پایلې ولري او د دې لامل به شي چې دولتونه او نړیوال جوړښتونه د طالبانو له ادارې سره د خبرو اترو لپاره د بشري حقونو اصول د اساسي شرط په توګه په پام کې ونیسي.

د يادونې وړ ده، چې په دې وروستيو کې د ملګرو ملتونو کارپوهانو د جنسيت د توهين د بشري ضد جرم په توګه د پېژندلو غوښتنه کړې ده.

د دوی په وینا، جنسیتي توپیر په ټوله نړۍ کې د میلیونونو ښځو او نجونو لپاره یو اصلي ګواښ او یو ژوندی واقعیت دی، مګر دا مهال په نړیوالو قوانینو کې په ښکاره ډول نه دی منل شوی.

دوی خبرداری ورکړ، چې په افغانستان کې د طالبانو حکمونه، تګلارې او کړنې د ښځو او نجونو پر وړاندې د تبعیض، ظلم او تسلط یو بنسټیز نظام جوړوي، چې له جنسیتي توپیر سره برابر دی.

د دوی په وینا، د طالبانو حکومت اړ کړی چې په نړیوالو قوانینو کې د جنسیتي توپیر مراعات کړي، ځکه دا کار نړیوالې ټولنې ته اجازه ورکوي چې د افغان ښځو او نجونو پر حقونو د طالبانو بریدونه په ښه توګه وپيژني او ورسره چلند وکړي.

جمهورخبري آژانس