فریدم نو: طالبان دې رسول پارسي له بنده خوشې کړي

د بشري حقونو سازمان فریدمنو له طالبانو غوښتي چې د پوهنتون پخوانی استاد رسول پارسي له بنده خوشې کړي.

دغه سازمان د یوې اعلامیې په خپرولو سره ویلي چې ښاغلی پارسي د ۲۰۲۳ کال په مارچ میاشت کې پر طالبانو د نیوکې له امله په ناحقه نیول شوی و.

د اعلامیې پر بنسټ، طالبانو د تېر کال په اکتوبر میاشت کې د دغه پوهنتون استاد دین ته د سپکاوي په تور په ۱۶ میاشتې بند محکوم کړ.

رسول پارسي د هرات پوهنتون پخوانى استاد او مدني فعال دى چې پر طالبانو د نيوکې له امله نيول شوى و.

جمهورخبري آژانس