بغلان: په ترافیکي پیښې کې ۱۸ تنه مړه او ټپیان شول

په بغلان کې ځايي سرچينې وايي، چې په دغه ولايت کې د يوې ترافيکي پېښې له امله ١٨ تنه مړه او ټپيان شوي دي.

د سرچينې د معلوماتو له مخې، دغه  پېښه تېره ورځ د ثور په ٣٠مه د بغلان ولايت د مرکز پلخمري ښار په څنډه کې هغه مهال رامنځته شوه، چې يو ٥٨٠ ډوله موټر له سړکه واوښت او د استوګنې له يوه کور سره ټکر شو.

سرچينې زياته کړې، چې په دې پېښه کې پنځه مسافر وژل شوي او ١٣ نور ټپيان دي.

ویل کیږي چې په وژل شویو کې ۴ تنه د یوې کورنۍ غړي دي.

سرچينې زياته کړې، چې دغه پېښه د مسافر وړونکي موټر د چلوونکي د بې احتياطۍ له امله رامنځته شوې ده.

جمهورخبري آژانس