له افغانستانه د امریکايي پوځیانو وتل د پوځي نسل لپاره جدي اخلاقي زیانونه اړولي دي

په افغانستان کې د امریکايي او ناټو ځواکونو پخوانی قومندان جنرال سکاټ مېلر وايي، طالبانو د دوحې له تړون څخه په استفادې پر افغان ځواکونو بریدونه ډېر کړي دي.

د امریکا د استازو جرګې د بهرنیو اړیکو کمېټې تېره شپه د غوايي ۳۱مه له افغانستانه د امریکايي ځواکونو د وتلو په اړه د مېلر د ارزونې لنډیز خپور کړ او ویې ویل چې طالبان له حکومت سره د جوړجاړي په لټه کې نه دي، بلکې پر افغانستان د تسلط هڅه کوي.

په دې ارزونه کې ویل شوي چې په دوحه کې له طالبانو سره خبرو ته د واشنګټن د ننوتو په اړه د هغه (میلر) تر ټولو مهمه اندېښنه له افغانانو سره د امریکا د ملاتړ دوام و.

"هغه څه چې موږ د دې تړون د نظامي برخې په توګه خورا اندیښمن وو هغه دا وو چې موږ نه غوښتل چې افغانان پریږدو، موږ نه غوښتل چې یو داسې تړون رامینځته کړو چې افغانان له ملاتړ پرته پریږدي او طالبانو ته اجازه ورکړي چې دې کار ته دوام ورکړي. "هغه یادونه وکړه.

د ناټو د غوڅ ملاتړ ماموریت پخوانی قوماندان وایی، طالبان په افغانستان کې د امریکا پوځی حضور نه غواړی.

د دغه امریکايي څلور ستوري جنرال د ارزونې پر بنسټ چې له ۲۰۱۸ څخه تر ۲۰۲۱ کال پورې په افغانستان کې د ناټو او د دغه هېواد د ځواکونو د پرېکنده ملاتړ ماموریت پر غاړه و، امریکا کولای شي له کوم خطر او ملاتړ پرته د خپلو سرتېرو شمېر ۸۵۰۰ ته راکم کړي. د افغان هوايي ځواک دوام ته اړتیا ده.

جنرال میلر د امریکا د استازو مجلس د بهرنیو اړیکو کمیټې ته په وینا کې وویل چې کله چې دی افغانستان ته راغی له طالبانو سره په جګړه کې هره ورځ له ۸۰ تر ۹۰ افغان سرتیري وژل کیږي.

دغه پخواني امريکايي سرتيري دا هم ارزولې، چې د افغان هوايي ځواک له وړتيا سره سره دوی په بشپړه توګه د امريکا په ملاتړ متکي دي.

په افغانستان کې د ناټو د پرېکنده ملاتړ ماموریت پخواني قوماندان طالبانو ته د ولسوالیو سقوط ته په اشارې سره ویلي چې دغه ډله له تبلیغاتي جګړې څخه په استفادې په دې بریا کې بریالۍ شوې ده.

هغه اعتراف وکړ چې له افغانستان څخه د امریکا وتل د امریکا د پوځ نسل ته سخت اخلاقي زیان رسولی دی.

جمهورخبري آژانس