په کابل کې مو ۳ طالب جنګیالي وژلي او ټپیان کړي دي

د افغانستان د ازادۍ جبهه وايي، د دې جبهې ځواکونو په کابل کې درې وسله وال طالبان وژلي او ټپيان کړي دي.

دغې جبهې د يوې خبرپاڼې په خپرولو سره ويلي چې دغه بريد تېره شپه شاوخوا ٧:٥٠ بجې د کابل ښار د اتمې امنيتي حوزې اړوند د "کارتينو بليکسټون" په سيمه کې شوى دى.

ويل کيږي چې په دې بريد کې دوه تنه وسله وال طالبان ووژل شول او د دغې ډلې يو بل تن ټپي شو.

په خبرپاڼه کې راغلي چې په دې برید کې د طالبانو د دفاع وزارت د استخباراتو ریاست اړوند ځواکونه په نښه شوي دي.

اعلامیه زیاتوي چې طالبان معمولاً د دوشنبې او پنجشنبې په ورځو د کابل ښار په څنډو کې د پوستو په جوړولو سره خلک ځوروي.

جمهورخبري آژانس