عبدالله د اروپا، برتانیې او هسپانیې له استازو سره د قطر د راتلونکې غونډې په اړه خبرې وکړې

په تېر حکومت کې د ملي مصالحې عالي شورا مشر ډاکټر عبدالله عبدالله وايي، په کابل کې د اروپايي ټولنې د دفتر له مشرې رافیله ادیس او د دوحې د راتلونکې غونډې په اړه یې له برتانوي او هسپانوي ډیپلوماټانو سره خبرې کړې دي.

نن پنجشنبه د زمري په دریمه، ښاغلي عبدالله په اېکس پاڼه کې د یوې خبرتیا په خپرولو سره خپله غونډه اعلان کړه؛ خو هغه نور جزیات ورنه کړل.

هغه وويل چې د افغانستان په چارو کې د دغه هېواد ډيپلومات ريکارډو لوسا ته يې په باميانو کې د هسپانوي اتباعو د وژل کېدو له امله خپله خواخوږي وړاندې کړې ده.

عبدالله دغه راز د افغانستان له سېلاب ځپلو سره د اروپايي ټولنې له مرستو مننه وکړه او د سېلابونو د زيانونو د کچې د لوړېدو غوښتنه يې وکړه.

په ورته وخت کې د ملګرو ملتونو د سرمنشي په کوربه توب د افغانستان په چارو کې د هېوادونو د ځانګړيو استازو درېیمه غونډه به د روان هجري لمریز کال د سرطان میاشتې په ۱۰ او ۱۱ مه نېټه په دوحه کې جوړه شي. 

د ملګرو ملتونو ویاند سټیفن دوجاریک وویل چې د دې غونډې د ترسره کولو موخه دا ده چې له افغانستان سره د نړیوالو اړیکو په لا همغږي، همغږي او جوړښت کې زیاتوالی راشي.

جمهورخبري آژانس