روسیې طالبانو ته د سنټ پیټرزبورګ په اقتصادي غونډه کې د ګډون بلنه ورکړې

د افغانستان لپاره د روسیې ځانګړي استازي ضمیر کابلوف ویلي چې هېواد یې طالبانو ته بلنه ورکړې چې په سنټ پیټرزبورګ کې د اقتصادي فورم په کلنۍ غونډه کې ګډون وکړي.

رویټرز خبري اژانس د دوشنبې په ورځ د غبرګولي په ۷مه د کابلوف په حواله خبر ورکړ چې طالبانو ته د جون په ۵-۸مه د سنټ پیټرزبورګ په نړیوال اقتصادي فورم کې د ګډون بلنه استول شوې ده.

هغه زیاته کړه چې افغان مشران په دودیز ډول د نفتو د پیرودلو سره علاقه لري.

د سینټ پیټرزبورګ فورم، چې یو وخت د لویدیځ سی ای او او د لندن او نیویارک د پانګونې بانکدارانو کوربه و، د اوکراین د جګړې راهیسې د پام وړ بدلون موندلی دی.

د دې فورم په تېر کال کې طالبانو هم برخه اخیستې وه.

په ورته وخت کې ضمیر کابلوف ویلي چې د روسیې د بهرنیو چارو او عدلیې وزارت ولادیمیر پوتین ته وړاندیز کړی چې طالبان دې د ترهګرو ډلو له نوملړ څخه وباسي.

باید وویل شي، چې طالبان له مسکو سره ښې اړیکې لري.

جمهورخبري آژانس