بدخشان کې په يوه ترافيکي پيښه کې دوه طالبان ووژل شول

په بدخشان کې ځايي سرچينې وايي، چې د دغه ولايت په "کف اب" ولسوالۍ کې په يوه ترافيکي پېښه کې دوه وسله وال طالبان وژل شوي دي.

د سرچينې د معلوماتو له مخې، دغه پېښه د دوشنبې په ورځ د جوزا په ٧مه، د کوف اب ولسوالۍ مرکز ته څېرمه هغه مهال رامنځته شوه، چې د دوى يو هيلوکس موټر له سړکه واوښت او چپه شو.

سرچينې زياته کړې، چې په دې پېښه کې د کوف اب ولسوالۍ لپاره د طالبانو د نومول شوي قوماندان تولي په ګډون دوه تنه وژل شوي او څلور نور ټپيان دي.

ويل شوي دي چې ددغې پيښې ټپيان دعلاج لپاره فيض اباد ښار ته ليږدول شوي دي.

دا په داسې حال کې ده چې تر دې وړاندې هم د افغانستان په بېلابېلو سیمو کې د طالبانو د موټرو د بې احتیاطۍ او بې احتیاطۍ له امله ورته پېښې رامنځته شوې دي.

جمهورخبري آژانس