پروان کې يو سيمه ييز خبريال د طالبانو له خوا ونيول شو

په پروان ولايت کې سيمه ييزې سرچينې وايي چې په دغه ولايت کې يو سيمه ييز خبريال د طالبانو د استخباراتو له خوا نيول شوى دى.

سرچينې دغه خبريال د عبدالله دانش په نوم ياد کړى او ويلي يې دي چې په پروان ولايت کې يې په معارف ټلوېزيون کې کار کاوه.

د سرچينې د معلوماتو له مخې، ښاغلی دانش د پنجشنبې په ورځ د جوزا په ٢٤مه په بګرام ولسوالۍ کې د طالبانو د استخباراتو له خوا ونيول شو او نامعلوم ځاى ته يووړل شو.

ښاغلی دانش چې د خبریال په توګه اوږده سابقه لري، له څه مودې راهیسې وزګار دی.

د طالبانو له خوا د ښاغلي دانش د نیول کېدو لامل تر اوسه څرګند نه دی.

جمهورخبري آژانس