طالبانو د پولیسو له یونیفورم پرته ګزمې منع کړې

د طالبانو د کورنیو چارو وزارت مشر د پولیسو له یونیفورم پرته ګزمې منع کړې دي.

د جمهور خبري آژانس د خبر له مخې د طالبانو د کورنیو چارو وزارت ویاند عبدالمتین قانع نن دوشنبې (د چنګاښ ۱۶مه) په خپل فیسبوک پاڼه کې ولیکل چې ټول پولیس افسران اړ دي چې د مقرراتو سره سم رسمي دندې یونیفورم واغوندي.

د یونیفورم پرته ګزمې منع دي او اړوند چارواکي باید د دې مسلې په کلکه پلي کول وڅاري.

هغه لیکلي چې څرنګه چې د کورنیو چارو وزارت اساسي مسؤلیتونه د امنیت برابرول، د قانون پلي کول او د هر ډول جرمونو سره مبارزه ده، نو د مشرتابه غونډې د پریکړې او د وزارت د سرپرست سراج الدین حقاني د تصویب پر بنسټ، ټول نظامي چارواکي او افسران اړ دي چې د رسمي ساعتونو په جریان کې د ډلې د مشر لخوا تصویب شوی یونیفورم وکاروي.

د طالبانو په وینا، دا به توپیر رامینځته کړي او د خلکو لپاره به د پولیسو ځواکونو پیژندل اسانه کړي.

جمهورخبري آژانس