د طالب چارواکو د نیولو امر صادرول د هغوی په رسمیت پېژندونکو هېوادونو ته څرګند پيغام دی

په افغانستان کې د بشري حقونو په اړه د ملګرو ملتونو ځانګړی راپور ورکوونکی وايي چې د ډلې د مشر هیبت الله اخوندزاده او د ډلې د سترې محکمې د مشر عبدالحکیم حقاني د نیولو امر صادرول هغو هیوادونو ته یو څرګند پیغام دی چې د طالبانو له رژیم سره عادي کېدل غواړي.

د جمهور خبري اژانس خبري آژانس، په افغانستان کې د بشري حقونو په اړه د ملګرو ملتونو ځانګړی راپور ورکوونکی ریچارډ بینټ نن، چهارشنبه (د چنګاښ ۱۸ مه) په خپل اېکس پاڼه لیکلي، چې د طالبانو ډله، د دوی د واکمنۍ لاندې، د افغانستان د نیمایي نفوس، چې ښځې او نجونې دي، اساسي حقونه او وقار ردوي.

هغه زیاته کړه: "زه د نیولو امر هرکلی کوم، دا د عدالت په لور یو لوی ګام دی، په ځانګړې توګه د افغانستان د ښځو او نجونو لپاره. دا یو مهم پیغام لیږي چې معافیت به دوام ونلري." دا هغو هیوادونو ته هم یو څرګند پیغام دی چې یو داسې رژیم عادي کوي چې د افغانستان د نیمایي نفوس اساسي حقونه او وقار ردوي.

د یادونې وړ ده چې د جرمونو نړیوالې محکمې مخکې اعلان کړی و چې د محکمې د محاکمې دمخه خونې دوهمې څانګې د سې شنبې په ورځ د طالبانو د ډلې د غیر حاضر مشر هیبت الله اخوندزاده او د دې ډلې د محکمې د مشر عبدالحکیم حقاني د نیولو امر د انسانیت پر ضد د جرمونو د ترسره کولو په تور صادر کړی دی.

جمهورخبري آژانس