د شانګهای  نږدې ټول غړي هیوادونه د طالبانو سره د دوه اړخیزو اړیکو د ژورولو په لټه کې دي

د روسیې د بهرنیو چارو وزیر ادعا وکړه چې د شانګهای د همکارۍ سازمان نږدې ټول غړي هیوادونه د طالبانو سره د خپلو دوه اړخیزو اړیکو د ژورولو په لټه کې دي.

د جمهور خبري آژانس د راپور له مخې د روسیې د بهرنیو چارو وزیر سرګي لاوروف د شانګهای د همکارۍ سازمان د غړو هیوادونو د بهرنیو چارو وزیرانو د غونډې وروسته په یوه خبري کنفرانس کې وویل چې د ترهګرۍ او مخدره توکو د قاچاق څخه د خلاصون بحث د افغانستان د بیارغونې او د یو خپلواک، بې طرفه او سوله ایز هیواد په توګه د دوامداره تضمین لپاره مهم دی.

هغه وویل چې د شانګهای د همکارۍ سازمان نږدې ټول غړي هیوادونه د طالبانو سره د خپلو دوه اړخیزو اړیکو د ژورولو په لټه کې دي.

د روسیې د بهرنیو چارو وزیر زیاته کړه چې په غونډه کې ټینګار وشو چې ملي اجماع ترلاسه کول او په افغانستان کې د قومي او سیاسي ګډون له پلوه د حکومت د شمولیت ډاډ ترلاسه کول کلیدي لومړیتوبونه دي.

هغه وویل چې موږ د سیمه ایز امنیت د پیاوړتیا په لارو چارو هم بحث وکړ، چې په ځانګړي ډول په افغانستان تمرکز کوي. د شانګهای د همکارۍ سازمان نږدې ټول غړي هیوادونه له کابل سره خپلې دوه اړخیزې اړیکې پراخوي.

جمهورخبري آژانس