۰

په ننګرهار کې د سېلابونو له امله ۱۳ کسان مړه او ټپیان شوي دي

شنبی ۸ سنبله ۱۴۰۴ ساعت ۱۰:۵۵
په ننګرهار ولایت کې ځايي طالبانو په دې ولایت کې د سېلابونو له امله د ۵ کسانو د مړینې او ۸ نورو د ټپي کېدو خبر ورکړی دی.
په ننګرهار کې د سېلابونو له امله ۱۳ کسان مړه او ټپیان شوي دي
په ننګرهار ولایت کې ځايي طالبانو په دې ولایت کې د سېلابونو له امله د ۵ کسانو د مړینې او ۸ نورو د ټپي کېدو خبر ورکړی دی.

د جمهور خبري آژانس د خبر له مخې ننګرهار کې د طالبانو د اطلاعاتو او کلتور مشر صدیق الله قریشي نن شنبې  (د وږي ۸ مه) ویلي، د دې ولایت د روداتو، هسکه مینه او چپرهار ولسوالیو کې سخت بارانونه او خطرناک سېلابونه راغلي دي.

هغه زیاته کړه: د دې سېلابونو له امله ۵ کسان وژل شوي او ۸ نور ټپیان شوي دي.

د هغه په ​​وینا، دې سېلابونو زرګونه جریبه کرنیزه ځمکه، لویې لارې او د اوبو یو شمېر بندونه ویجاړ کړي دي.

هغه وویل چې د طبیعي پیښو د غبرګون ټیمونه د پېښې ځای ته رسېدلي او په سېلابونو کې د بند پاتې شویو خلکو لپاره یې د ژغورنې عملیات پیل کړي دي.

جمهورخبري آژانس
ستاسو نوم

ستاسو دبرېښنا ليک پته
ستاسو نظر *

تر ټولو ډېر لیدل شوي