د کډوالو په چارو کې د ملګرو ملتونو عالي کمېشنرۍ ویلي، چې په تېرو ۴۲ ورځو کې له پاکستانه څه باندې ۱۷۸ زره افغانان ایستل شوي او  افغانستان ته راستانه شوي دي.

د جمهور آژانس د خبر له مخې د دغې ادارې د شمېرو له مخې، له دې ډلې څه باندې ۱۲۰زره د تورخم له لارې او څه باندې ۵۱ زره هم د سپین‌بولدک له لارې افغانستان ته داخل شوي دي.
 
د کډوالو په چارو کې د ملګرو ملتونو د عالي کمېشنرۍ د ویاند مرستیال فرامرز برزین په دې هکله وايي:«د اپرېل له لومړۍ د مې تر ۱۲مې نېټې څه باندې ۱۲۰ زره او ۶۰۰ کسان د تورخم له لارې هېواد ته داخل شوي، او همداراز څه باندې ۵۱ زره او ۱۰۰ تنه د سپین‌بولدک له لارې افغانستان ته راغلي دي.»

بلخوا هېواد ته راستانه شوي افغانان د راستنېدو په بهیر کې له جدي ستونزو شکایت کوي. دوی وايي، نورو مرستو، د کاري فرصتونو برابرېدو، ښوونیزو او روغتیايي خدمتونو لاسرسي ته اړتیا لري.

جمهورخبري آژآنس