د ملي امنیت لوی ریاست په هلمند ولایت کې د وسله والو طالبانو د چاوېدونکو توکو د یوې زېرمې او نشه يي توکو د یوې فابریکې له منځه وړلو خبر ورکړی دی.
د
جمهور خبري آژانس د خبر له مخې دغه ریاست نن یکشنبې د سلواغې ۷ مه په یوه خبرپاڼه کې ویلي، د ملي امنیت ځانګړو ځواکونو تېره شپه د هلمند په مارجې ولسوالۍ کې د طالبانو پر یوه سلاکوټ او د نشه يي توکو په یوه فابریکه برید کړی دی.
سرچینه زیاتوي، چې په دغه برید کې د نشه يي توکو کارخانه او سلاکوټ چې ۳ زره ټنه چاوېدونکي توکي په کې و له منځه وړل شوي دي.
طالبانو تر اوسه په دې اړه څه نه دي ویلي.
جمهورخبري آژانس:کابل