۰

عمران خان واشنکټن ته رسېدلی خو خورا سوړ هرکلی یې شوی دی

یکشنبه ۳۰ سرطان ۱۳۹۸ ساعت ۱۲:۲۳
د پاکستان لومړی وزیر عمران خان په درې ورځني سفر واشنګټن ته رسېدلی، خو هرکلي ته یې هېڅ امریکايي چارواکی نه دی ورغلی.
عمران خان واشنکټن ته رسېدلی خو خورا سوړ هرکلی یې شوی دی
د پاکستان لومړی وزیر عمران خان په درې ورځني سفر واشنګټن ته رسېدلی، خو هرکلي ته یې هېڅ امریکايي چارواکی نه دی ورغلی.

د جمهور خبري آژانس د خبر له مخې عمران خان او ورسره پلاوی نن یکشنبې د چنګاښ ۳۰ مه واشنګټن ته رسېدلی دی، خو هرکلی یې خورا سوړ و.

نوموړی د ډالاس هوایي ډګر ته له رسېدو سره سم د هېڅ یوه امریکايي چارواکي له خوا بدرګه نه شو، خو یوازې هرکلي ته یوازې په واشنګټن کې د پاکستان سفیر اسد محمد خان، له وړاندې واشنګټن ته تللی د پاکستان د بهرنیو چارو وزیر شاه محمود قریشي او د پاکستان د سفارت نور ټیټ پوړي چارواکي ورغلي دي.

د عمران خان تحریک انصاف ګوند له خوا په یوه خپره شوې ویډیو کې هم لیدل کېږي، چې د هغه هرکلي ته هېڅ امریکایي چارواکی نه دی ورغلی.

د یادونې ده، چې له عمران خان سره په دغه سفر کې د پوځ مشر جنرال قمر جاوید باجوه، د ای اېس ای رییس فیض حمید، او د سوداګرۍ وزیر ملتیا کوي.

ټاکل شوې نوموړی به سبا دوشنبې د روانې جولای میاشتې په ۲۲ مه د امریکا د ولسمشر ډونالډ ټرمپ سره وګوري.

راپورونه وایي، د ټرمپ او خان خبرې به د اړیکو پر ښه کولو، له ترهګرۍ سره پر مبارزې او تر ډېره د افغانستان پر سوله راوڅرخي.

د سپینې ماڼۍ ځینو سرچینو امریکایي رسنیو ته ویلي، ټرمپ به له عمران خان څخه وغواړي، چې طالبان هر اړخیزه او دوامداره اوربند ته چمتو کړي.

دغه راز به د ټرمپ بله غوښتنه له پاکستانه دا وي، چې طالبان له افغان حکومت سره مخامخ او بین الاافغاني خبرو ته وهڅوي.

جمهورخبري آژانس:کابل
 
ستاسو نوم

ستاسو دبرېښنا ليک پته
ستاسو نظر *

تر ټولو ډېر لیدل شوي