۰

د ملا برادر او کاملوف لیدنه: د رېل پټلۍ او برېښنا د نیمګړو پروژ کار باید پیل شي

دوشنبه ۳۰ جوزا ۱۴۰۱ ساعت ۱۰:۰۸
د افغانستان د رییس الوزرا اقتصادي مرستیال ملا عبدالغني برادر اخوند د ازبکستان د ملي امنیت شورا له سلاکار او په بهرني سیاست کې د ولسمشر له ځانګړي استازي عبدالعزیزکاملوف او ورسره پلاوی سره لیدلي.
د ملا برادر او کاملوف لیدنه: د رېل پټلۍ او برېښنا د نیمګړو پروژ کار باید پیل شي
د افغانستان د رییس الوزرا اقتصادي مرستیال ملا عبدالغني برادر اخوند د ازبکستان د ملي امنیت شورا له سلاکار او په بهرني سیاست کې د ولسمشر له ځانګړي استازي عبدالعزیزکاملوف او ورسره پلاوی سره لیدلي.

د جمهور خبري آژانس د خبر له مخې د ښاغلي برادر او ښاغلي کاملوف لیدنه پرون یکشنبې د غبرګولي ۲۹ مه په چهارچنار ماڼۍ کې شوې ده.

د ارګ خبرپاڼه وايي، په دغه لیدنه کې د دواړو هېوادونو تر منځ پر دوه اړخیزه اړیکو، له نړیوالو سره د افغانستان د اړیکو پر پیاوړتیا، لویو اقتصادي پروژو پر ژر پیل او ګډو همکاریو خبرې وشوې.

سرچینې د ښاغلي کاملوف له قوله ویلي، چې په افغانستان کې د اسلامي امارت په واکمنېدو سره د دواړو هېوادونو تر منځ د اړیکو نوی څپرکی پرانستل شوی دی.

هغه ویلي، خوښ دی، چې د دغو اړیکو له مخې د افغانستان پر اقتصادي بیارغونه او د اقتصادي سیستم پر پياوړي کولو په ګډه خبرې کېږي.

په ورته وخت کې ملا عبد الغني ویلي، ازبکستان دې ژر تر ژره د ترمز- کابل – مزارشریف - پېښور رېل پټلۍ په ګډون د برښنا او هوايي چلند په برخو کې د نیمګړو پروژو کارونه بشپړ کړي.

د ریاست‌الوزراء اقتصادي مرستیال د دواړو هېوادونو تر منځ د اړیکو پر پياوړتیا ټینګار وکړ او د لا پراختیا هیله یې وښوده.

جمهورخبري آژانس:کابل
 
 
ستاسو نوم

ستاسو دبرېښنا ليک پته
ستاسو نظر *

تر ټولو ډېر لیدل شوي