الجزیرې انګلسي په یوه راپور کې د افغانستان د اوسنۍ لوږې او قحطۍ لوی لامل پخواني فاسد چارواکي بللي دي.
د
جمهور خبري آژانس د خبر له مخې دغه راپور کې ویل شوي، د افغانستان د پخواني حکومت فاسد چارواکي ښه ژوندونه لري، خو تر شا یې ميلیونونه له لوږې او قحطۍ سره مخ کسان پرېښودل.
د سرچینې په وینا د د پخواني حکومت چارواکو د حکومت په وروستیو کلونو کې له متحده عربي اماراتو نیولې بیا تر ترکیې او کلیفورنیا نوي جایدادونه اخیستي دي او د ساحلونو تر غاړې له آرام ژوند خوند اخلي.
راپور کاږي، په پخواني حکومت کې مالي فساد او د میلیونونو ډالرو لا درکه کېدل د دې سبب شول چې نن میلیونونه افغانان له لوږې سره لاس او ګرېوان شي.
الجزیرې زیاته کړې، د پخواني حکومت فاسد چارواکي آرام ژوندونه لري، خو د دوی د فساد زیان میلیونونه هغو کسانو ته ورسېد چې په ټېټو چوکیو یې د خپل هېواد خدمت کاوه او د راتلونکې لپاره یې هیلې لرلې.
جمهورخبري آژانس:کابل