ډنمارک کې په ډزو شپږو تنو ته مرګ ژوبله اوښتې ده

وسله وال کس ډنمارک په یوه مغازه کې پر خلکو ډزې کړې او شپږو تنو ته یې مرګ ژوبله اړولې ده.

د جمهور خبري آژانس د خبر له مخې پېښه د ډنمارک پلازمېنه کوپنهاګن کې پرون یکشنبې د چنګاښ ۱۲ مه رامنځ ته شوې.

پولیس وايي، یو وسله وال مغازې ته ننوتی او پر خلکو يې ډزې کړې، چې درې تنه وژل شوي او درې نور ټپیان دي.

د دوی په وینا ۲۲ کلن ډنمارکۍ بریدګر یې نیولی او په اړه یې پلټنې روانې دي.

عیني شاهدانو ویلي چې د ډزو پر وخت ځیني کسان په ټیل ماټیل کې د پښو لاندې هم شوي خو پولیسو تر اوسه پدې هکله څه ندي ویلي.

د ډنمارک صدراعظمې مته فریدریسکن دا یو ظالمانه برید  برید بللی.

میرمن فریدریسکن ویلي، دا برید د فهم وړ نه دی، زړه ماتوونکی او بې معنی دی، زمونږ ښکلی او معمولاً خوندي پایتخت په یوې شیبې کې بدل شو.

جمهورخبري آژانس:کابل