د حماس وسله وال اسرائیلو ته داخل شول

اسرائیلي چارواکي وايي، د فلسطین د حماس ډلې وسله وال جنګیالي د یوه تونل له لارې اسرائیلو ته داخل شول او بریدونه یې پیل کړي دي.
د جمهور آژنس د خبر له مخې د اسرائیلو پوځ وایي، دا پېښه د غزې تړانګې پولې ته نږدي د اسرائیلو نهال اوز Nahal

Oz سیمه کې شوې ده.
دوی وايي د جنګیالیو د ننوتو سره سم هغوی بریدونه کړي، چې په ترڅ کې یې پنځه اسرائیلي سرتېري وژل شوي دي.
دغه پېښه او په تازو برید کې یې پنځه اسرائیلي سرتېري و وژل.
د اسرائیلو پوځ وايي، په دغه جګړه کې د حماس ډلې یو جنګیالۍ هم وژل شوی دی.
باید وویل شي، په تیرو ۲۴ ساعتونو کې لس اسرائیلي عسکر وژل شوي او دا په تیرو دریو اونیو کې په یوه ورځ د اسرائیلي عسکرو تر ټولو ستر تلفات دي.
په ورته وخت کې د فلسطین د روغتیا وزارت ویلي، د اسرائیلو په ۲۲ ورځنیو بریدونو کې لږترلږه ۲۳۶ ماشومان، ۹۳ ښځې او ۴۷ بوډاګان وژل شوي.
بل خوا د اسرائیلو لومړي وزیر بنیامین نتنیاهو پر غزې تراډې د اوږدو عملیاتو خبرداری ورکړی دی.
اسرائیلو د اختر پر لومړۍ ورځ پر غزې، خان یونس، جبالیا او البریج کډوالو کمپ بباري کړي دي.
د سې شنبې پر ګهیځ (چې د کوچني اختر دویمه ورځ کېږي)، اسرائیلي جنګي الوتکو د غزې ښار لوېدیځ الشاطئ کمپ بمبار کړی.
دوی وايي، چې هدف یې د حماس د سیاسي دفتر د مرستیال مشر اسمعیل هنیه کور په نښه کول وو چې دوه توغندي یې پرې توغولي دي.
په توغندیو کې هنیه ته هېڅ زیان نه دی اوښتی.
د اسرائیلو لومړي وزیر بنیامین نتنیاهو د تېرې دوشنبې پر ورځ وویل، اسرائیل پر غزې تراډې د اوږدې جګړې لپاره چمتووالی نیسي.
نتنیاهو مني، چې هېواد یې له سختو ورځو سره مخامخ دی: "موږ د اوږدمهالې جګړې لپاره چمتووالي ته اړ یو. د خپل ماموریت بشپړولو لپاره قوي خوځښت ته اړتیا لرو".
نوموړی زیاتوي، تر هغو به جګړو ته دوام ورکړ، چې تونلونه مو په بشپړه توګه نه وي ویجاړ کړي.
خو د حماس ډلې ویاند سامي ابو زهري د نتنیاهو دا څرګندونې د فلسطیني جنګیالیو ډلو پروړاندې د ماتې خوړل بللي دي.
جمهور آژانس: کابل