ترکمنستان د امنیت په برخه کې له امریکا مرسته غوښتې ده

رپوټونه وايي ترکمنستان له افغانستان سره د خپلې پولې د امنیت او ساتلو په موخه له امریکا څخه د مرستې غوښتنه کړې ده.
د جمهور آژانس د خبر له مخې د امریکا د پوځ د مرکزي قوماندې مشر جنرال لیوډ اسټین ویلي، چې ترکمنستان له افغانستان

سره د خپلې پولې د امنیت په اړه اندېښمن دی، نو ځکه یې له امریکا د مرستې غوښتنه کړې ده.
جنرال اسټین ویلي چې ترکمنستان له دې ستونزو سره د مبارزې لپاره د امریکايي تجهیزاتو غوښتنه کړې.
د جنرال لیوډ اسټین په خبره واشنګټن د عشق اباد دغه وړاندیز ته پر مثبت ځواب ورکولو بوخت دی.
که څه هم د دغه اندښنو په اړه په څرګنده څه نه دي ویل شوي، خو ښکاري داسې چې ترکمنستان به د داعش له وېرې له امریکا دا غوښتنه کړې وي.
جمهورآژانس: کابل