کانادا 300 مهاجر افغان را از تاجیکستان تخلیه کرد

وزیر مهاجرت کانادا می‌گوید که 300 مهاجر افغان را از تاجیکستان به این کشور منتقل کرده است.

به گزارش برگزاری جمهور؛ این وزارت افزوده که این مهاجران به روز چهارشنبه (6 میزان) در یک پرواز ویژه از تاجیکستان به کانادا منتقل شده‌اند.

شان فریزر وزیر مهاجرت کانادا در تویترش نوشته که تاکنون 20 هزار و 350 شهروند افغانستان به کانادا انتقال یافته اند.

او خطاب به این مهاجران افزوده که "به خانه خوش آمدید."

اخیراً دولت کانادا اعلام کرده بود که در چند پرواز ویژه صدها پناهجوی افغان را از پاکستان به این کشور نیز انتقال داده است.

دولت کانادا سال قبل پس از تسلط طالبان بر افغانستان اعلام کرد که 40 هزار شهروند در معرض خطر از افغانستان را می‌پذیرد.

خبرگزاری جمهور- کابل