۰

کاردار سفارت امریکا برای شرکت در نشست امنیتی هرات وارد تاجیکستان شد

سه شنبه ۸ قوس ۱۴۰۱ ساعت ۱۰:۳۷
کرن دیکر کاردار سفارت امریکا برای افغانستان به منظور شرکت در نشست امنیتی هرات به شهر دوشنبه پایتخت تاجیکستان رفته است.
کاردار سفارت امریکا برای شرکت در نشست امنیتی هرات وارد تاجیکستان شد
کرن دیکر کاردار سفارت امریکا برای افغانستان به منظور شرکت در نشست امنیتی هرات به شهر دوشنبه پایتخت تاجیکستان رفته است.

به گزارش خبرگزاری جمهور؛ خانم دیکر صبح امروز سه‌شنبه (8 قوس) در تویترش نوشته که او برای اولین بار پس از سال 2001 به منظور شرکت در نشست امنیتی هرات، به شهر دوشنبه پایتخت تاجیکستان رفته‌است.

او افزوده، "این یک فرصت خوب است که با نمایندگانی از افغانستان، تاجیکستان، کشورهای منطقه و اروپا در مورد وضعیت افغانستان تبادل نظر کنیم."

خانم دیکر تاکید کرده که او پیام ایالات متحده امریکا به منظور حمایت قوی از صلح داخلی در افغانستان و همسایه‌های این کشور را ارائه کند.

این در حالی است که انستیتیوت مطالعات استراتژیک افغانستان اعلام کرده که نشست امنیتی هرات امروز سه‌شنبه (8 قوس) و فردا چهارشنبه (9 قوس) در پایتخت تاجیکستان برگزار می‌شود.

هرچند رقم دقیق اشتراک کنندگان این نشست مشخص نیست؛ اما ده‌ها تن از مسوولان، کارشناسان و آگاهانی امور سیاسی از افغانستان، منطقه و جهان در این نشست دعوت شده‌اند.

نشست امنیتی امسال هرات با موضوع "نظام سیاسی همه‌شمول؛ الگوها و نقشه‌ راه" برگزار می‌شود.

خبرگزاری جمهور- کابل
نام شما

آدرس ايميل شما
نظر شما *

پربازدیدترین