۰

سرپرست وزارت دفاع طالبان با نماینده اوزبیکستان دیدار کرد

چهارشنبه ۲ حمل ۱۴۰۲ ساعت ۱۸:۳۴
مولوی محمد یعقوب مجاهد سرپرست وزارت دفاع ملی گروه طالبان با عبدالعزیز کاملوف نماینده خاص رئیس جمهور اوزبیکستان دیدار کرده و روی تامین امنیت سرحدات دو کشور صحبت کرده است.
سرپرست وزارت دفاع طالبان با نماینده اوزبیکستان دیدار کرد
مولوی محمد یعقوب مجاهد سرپرست وزارت دفاع ملی گروه طالبان با عبدالعزیز کاملوف نماینده خاص رئیس جمهور اوزبیکستان دیدار کرده و روی تامین امنیت سرحدات دو کشور صحبت کرده است.

وزارت دفاع گروه طالبان بعد از ظهر امروز چهارشنبه(2 حمل) با نشر اعلامیه‌ای گفته که مولوی محمد یعقوب "مجاهد" سرپرست وزارت دفاع امروز با عبدالعزیز "کاملوف" نماینده ویژه رئیس جمهور اوزبیکستان در سیاست خارجی، عصمت الله "رحیموف" نماینده آن‌ کشور در امور افغانستان و هیات همراه شان در دفتر کاری‌اش دیدار نموده است.

مولوی مجاهد گفته که با هیات اوزبیکستانی روی مسائل سرحدی، تامین امنیت و سایر موضوعات مرتبط گفتگو نموده و بر تقویت روابط تاکید کرده است.

عبدالعزیز "کاملوف" نماینده ویژه اوزبیکستان بر تحکیم روابط با افغانستان در زمینه‌های امنیتی، اقتصادی، سیاسی و سایر موضوعات اطمینان داده است.

خبرگزاری
نام شما

آدرس ايميل شما
نظر شما *

پربازدیدترین