سوییس 1.7 میلیون دالر به افغانستان کمک کرد

اوچا یا دفتر هماهنگی کمک‌های بشردوستانه سازمان ملل می‌گوید که دولت سوییس 1.7 میلیون دالر به افغانستان کمک کرده‌است.

این دفتر امروز سه‌شنبه 22 حوت، با نشر اعلامیه‌ای گفته که این کمک به صندوق بشردوستانه افغانستان اختصاص یافته است.

اوچا از این کمک سوییس قدردانی کرده است.

به گفته اوچا، دولت سوییس از سال 2016 تا هنو بیش از 19.7 میلیون دالر به افغانستان کمک کرده است.

این در حالی است که پیش از این سازمان ملل اعلام کرده که در سال 2024 نزدیک به 24 میلیون نفر در افغانستان به کمک‌های بشردوستانه نیازمند هستند.

سازمان ملل برای ارائه کمک بشردوستانه به این شمار افراد، 3 میلیارد دالر کمک درخواست کرده‌است.

خبرگزاری جمهور