طالبان و اوزبیکستان نشست تقویت روابط اقتصادی را برگزار کردند

وزارت ترانسپورت و هوانوردی گروه طالبان اعلام کرده که نشست تقویت روابط اقتصادی میان این گروه و اوزبیکستان در بندر حیرتان برگزار شده است.

این وزارت تحت کنترل گروه طالبان امروز سه‌شنبه(29 حوت) دراعلامیه‌ی گفته که نشست تقویت روابط اقتصادی میان هیات این گروه و هیات اوزبیکستانی در حیرتان برگزار شده است.

نمایندگان معاونیت اقتصادی و وزارت‌های ترانسپورت، صنعت و تجارت، مالیه، خارجه، معادن و پترولیم و اداره خط آهن گروه طالبان حضور دارند.

گروه طالبان و اوزبیکستانی‌ها روی توسعه همکاری‌های چندجانبه در زمینه ترانسپورت بین‌المللی، تسریع روند صدور ویزه به رانندگان افغانستان و برخی موضوعات دیگر صحبت کردند.

خبرگزاری جمهور