جوان افغان در مرز تاجیکستان هنگام بازداشت خود را به دریا انداخت

منابع محلی در ولایت بدخشان می‌گویند که یک جوان اهل افغانستان هنگام بازداشت توسط نیروهای مرزی تاجیکستان خود را به دریا انداخت و جان داد.

این رویداد روز یک‌شنبه 9 ثور، در ولسوالی شغنان ولایت بدخشان هنگامی رخ داده که این جوان از سوی مرزبانان تاجیکستان بازداشت شده‌بود.

به گفته منابع، این جوان از سوی نیروهای مرزی تاجیکستان به اتهام قاچاق مواد مخدر نوع "‌چرس" بازداشت شده بود.

هنوز جزئیات دقیق این رویداد مشخص نیست؛ اما منابع مردمی گفته که این جوان در بازار مشترک افغانستان و تاجیکستان در مرز میان دو کشور دوکان داری می‌کرد.

خبرگزاری جمهور