اسپانیا: شهروندان آسیب دیده ما از رویداد بامیان، افغانستان را ترک کردند

وزارت امور خارجه اسپانیا اعلام کرده که شهروندان آسیب دیده این کشور در حمله تروریستی بامیان، افغانستان را ترک کرده‌اند.

خوزه مانوئل آلبارس وزیر خارجه اسپانیا روز چهارشنبه 2 جوزا، در اعلامیه‌ای گفته که "از خدمات اضطراری کنسولی وزارت خارجه اسپانیا، از دیپلمات‌های اعزامی به افغانستان برای کارهای ضروری حفاظتی و از اعضای سرویس اقدام خارجی اروپا در آن‌جا برای حمایت‌شان تشکر می‌کنم."

گفتنی است که عصر جمعه 27 ثور، افراد مسلح بر گردشگران خارجی در مرکز بامیان تیراندازی کرده که در نتیجه، 3 شهروند اسپانیا و 3 شهروند افغانستان جان باخته و 4 گردشگر خارجی و 3 شهروند دیگر افغانستان زخمی شدند.
داعش مسوولیت این رویداد را بر عهده گرفته‌است.

خبرگزاری جمهور