د سعودي عربستان حکومت وايي دوه بالستیک میزایل یې په پلازمینه ریاض او د جیزیان په ښار توغول شوي دي.
د
جمهور خبري آژانس د خبر له مخې سعودي چارواکي وايي، دغه مزایل یې هدف ته تر رسېدو وړاندې شنډ او خنثی کړي دي.
سره له دې چې دا میزایل شنډ کړل شوي دي، خو د سعودي دولتي اژانس وايي چې دوه ولسي خلک په ریاض کې د میزایلو په پرچو ژوبل شوي دي.
تر اوسه د برید مسوولیت چا نه دی اخیستی خو د سعودي پوځ د ایران له ملاتړه برخمن د یمن حوثي شیعه یاغیان تورن کړي چې دا میزایل یې توغولي دي.
تر دې مخکې هم حوثي یاغیانو په سعودي باندې میزایل توغولي وو.
تېرکال د سعودي په هوايي ډګر باندې میزایل توغول شوي وو چې بیا د سعودي چارواکو وویل چې دا میزایل په ایران کې جوړ شوي وو.
جمهورخبري آژانس:کابل