۰

یوناما طالبانو ته! د نجونو پر مخ د ښوونځیو دروازې خلاصې کړی

چهارشنبه ۲ حمل ۱۴۰۲ ساعت ۰۹:۵۵
ملګروملتونو یو ځل بیا د طالبانو له چارواکو غوښتي چې د نجونو او ښځو پر وړاندې ټول محدودیتونه لرې کړي.
یوناما طالبانو ته! د نجونو پر مخ د ښوونځیو دروازې خلاصې کړی
ملګروملتونو یو ځل بیا د طالبانو له چارواکو غوښتي چې د نجونو او ښځو پر وړاندې ټول محدودیتونه لرې کړي.

د افغانستان لپاره د ملګروملتونو مرستندویه ماموریت یا یوناما پر خپله ټویټرپاڼه ویلي، روانه اونۍ د نوي ښوونیز کال له پیلېدو سره له یو میلیون زیات نجونې به اجازه ونه‌لري چې ټولګیو ته لاړې شي.

یوناما له طالبانو غوښتي چې د ښځو او نجونو پر وړاندې دې له ټولو تبعیضي پالیسو په شا شي.

یوناما ویلي، دغه پالیسۍ نه یوازې د نیمایي نفوس هیلې وژني، بلکې افغانستان ته لوی زیان رسوي.

په افغانستان کې د ملګروملتونو د ماشومانو د ملاتړ صندوق يا سيف ده چلډرن مشر فران ایکیزا ویلي، چارواکي باید د ټولو زده‌کونکو لپاره ښوونځي پرانیزي ترڅو دوی وکولی شي ټولنیز ژوند ته دوام ورکړي، مهارتونه ترلاسه او هم اکاډمیکې زده‌کړې وکړي.

جمهورخبري آژانس

 
ستاسو نوم

ستاسو دبرېښنا ليک پته
ستاسو نظر *

تر ټولو ډېر لیدل شوي