بایډن له افغانستانه د وتلو پر مهال د امریکايي دیپلوماتانو مشورې ته غوږ نه نیوه

د افغانستان د سولې لپاره د امریکا پخوانی استازی زلمی خلیلزاد وايي، ولسمشر جوبایډن له افغانستانه د ځواکونو د ایستلو د څرنګوالي په اړه د بهرنیو چارو د وزیر انتوني بلینکن په ګډون د لوړپوړو ډیپلوماټانو مشورې ته غوږ نه دی نیولی.

ښاغلي خلیلزاد د چهارشنبې په ورځ د ثور په ۱۲مه د امریکا د استازو جرګې د بهرنیو اړیکو د کمېټې په غونډه کې وویل چې «ما او د بهرنیو چارو وزیر په مشروط ډول د وتلو لاره هواره کړه، خو لکه څنګه چې موږ ټول پوهیږو، وروستۍ پرېکړه د وتلو پرېکړه وه. د مهال ویش پر بنسټ."

نیویارک پوسټ د خلیلزاد له قوله لیکي چې هغه بایډن ته سپارښتنه کړې چې د امریکايي ځواکونو له وتلو مخکې باید طالبان او د افغانستان پخوانی حکومت د سولې یوه جلا توافق ته ورسېږي چې پر اساس به یې یو ګډ حکومت د طالبانو مساوي برخه وي.

دغه پخواني امریکايي دیپلومات ویلي دي: دا په اصل کې د واک د ویش فورمول و چې د کارپوهانو له خوا د بهرنیو کارپوهانو په مشوره وړاندې شو، په هغه حکومت کې داسې کسان وټاکل شول چې له دواړو خواوو [طالبانو او پخواني حکومت] سره یې اړیکې درلودې او د  کولی شوای د دواړو لورو د مشرتابه له خوا د منلو وو.

د خلیلزاد په وینا، د امریکا د بهرنیو چارو وزارت چارواکو وړاندوینه کړې وه چې د امریکا له شتون پرته به په افغانستان کې د واک شریکول تر دریو کلونو زیات دوام ونه کړي.

خلیلزاد تر دې مخکې د امریکا د استازو جرګې د بهرنیو اړیکو د کمېټې په استماعیه غونډه کې ویلي و چې د افغانستان د جګړې موسم پای ته نه دی رسېدلی او موږ باید له دغه هېواده شا نه شو.

جمهورخبري آژانس