امرالله صالح: رسوایی‌های اخلاقی طالبان از پرونده «جفری اپستین» هم فراتر رفته است
پنجشنبه ۲۳ اسد ۱۴۰۴ ساعت ۰۹:۳۴
معاون نخست حکومت پیشین می‌گوید که رسوایی‌های اخلاقی و جنسیتی گروه طالبان، رسواتر از پروندهٔ جفری اپستین در امریکا شده است.
به گزارش خبرگزاری جمهور، امرالله صالح معاون نخست حکومت پیشین بامداد امروز پنجشنبه(23 اسد) در صفحه اکس خود نوشت: دین و مذهب تنها روپوش عطش سوزان گروه طالبان برای حفظ قدرت است.
وی افزود: آن‌جا که منافع گروهی‌شان در خطر باشد، قرآن را قربانی قدرت می‌کنند.نمونهٔ بارز آن چشم‌پوشی از رسوایی‌های اخلاقی و جنسی اعضای بلندپایه‌شان است که تعفن آن سراسر اینترنت را گرفته و رسواتر از پروندهٔ جفری اپستین در امریکا شده است.
این گفته‌های معاون نخست حکومت پیشین در آستانه چهارمین سالگرد اشغال افغانستان توسط گروه طالبان در حالی مطرح می‌شوند که اخیراً ویدیویی‌های از فساد اخلاقی مقامات گروه طالبان در شبکه‌های اجتماعی دست بدست می‌شوند.
کد مطلب: 185007
