د پاکستان د استخباراتي ادارې ISI نوي مشر په کار پیل وکړ

د پاکستان د استخباراتي ادارې ISI نوی مشر رضوان اختر وړاندې د دغه ادارې د مشر په توګه ټاکل شوی وو رسمآ په خپل کار پیل وکړ.
د جمهور آژآنس د خبر له مخې رضوان اختر تېره ورځ د پاکستان د څارګرې ادارې د نوي مشر په توګه خپله دنده پیل کړه.
رضوان اختر؛ د ترورېستانو ضد عملیاتو کې تجربه لري او

داسې انګېرل کېږي چې دى یو "مسلکي پوځي" دی.
اختر پر ۱۹۸۲م کال د پاکستان د سرحدي ځواکونو لیکو ته وګومارل شو او له دې ځواکونو د "آى. ايس. آى" د مشرۍ څوکۍ ته لار موندونکی پرله پسې شپږم پوځي دی.
داچې د رضوان اختر په ټاکلو سره به د پاکستان د څارګرې ادارې په پالسۍ کې کوم بدلون راشي که څنګه دا به وخت معلومه کړي، خو پاکستاني شنونکي په دې باور دی، چې د مشرانو په بدلېدو رابدلېدو سره د پاکستان د څارګرې په ادارې په پالیسو کې کوم بدلون ښايي رانشي.
جمهور آژانس: کابل