انټرپول له افغانستان څخه پاکستان ته د وسلو د قاچاق لارې موندلې دي

د انټرپول نړیوال پولیس وايي، د چین د حکومت په همکارۍ یې له افغانستان څخه پاکستان ته د وسلو او مهماتو د قاچاق لارې موندلې دي.

دغه سازمان پرون جمعه ویلي، په ټوله اسیا کې د غیرقانوني وسلو د لېږد او قاچاق په تړاو د شاوخوا دوه زره کسانو د نیول کېدو په اړه په یوه راپور کې وویل چې د انټرپول پولیسو د پاکستان او افغانستان په پولو کې د طالبانو تر ادارې لاندې ولایتونو کې عملیات کړي دي. څو سوه میله سپکې او درنې وسلې، پرزې او مهمات د دې محصول د قاچاق پر لارو سربېره کشف او په تړاو یې لږ تر لږه ۶۱۴ کسان نیول شوي دي.

د پاکستان د فدرالي تحقیقاتو عمومي رییس محسن حسن بټ وویل: "له افغانستان څخه د وسلو قاچاق د پاکستان او منځنۍ اسیا لپاره یو ګواښ دی، او موږ اړتیا لرو چې د دغو وسلو انتقال او قاچاق ګاونډیو هیوادونو او هاخوا ته محدود کړو."

د انټرپول په راپور کې راغلي چې "په مرکزي، جنوبي او ختیځه اسیا کې د ترهګرو ډلو او جنایتکارو سازمانونو له خوا د وړو وسلو او سپکو وسلو کارول عام شوي دي ځکه چې ارزانه او د پټولو، لېږدولو او لاسرسي لپاره اسانه دي."

راپور کې ویل شوي چې په ټوله اسیا کې د غیرقانوني وسلو پر ضد په یوه "تاریخي" همغږي عملیاتو کې، په 10 هیوادونو کې چارواکو له 1,700 څخه ډیر خلک نیولي او 716 میله وسلې، 921 مهمات او 45,383 مرمۍ یې ضبط کړې دي.

ویل کېږي چې د دغو وسلو ډېره برخه له پاکستانه په ځانګړې توګه له افغانستان سره د دغه هېواد له سرحدي ولایتونو نیول شوې ده.

د راپور له مخې، د وسلو دغه شمېره د روان کال د نوامبر له 13 څخه تر 24 پورې د "Trigger-Salvo II" په نوم د عملیاتو په ترڅ کې نیول شوې چې موخه یې د پولې هاخوا د وسلو د حرکت مخنیوی او د نړیوالو منظمو جرمي ډلو ترمنځ د احتمالي اړیکو معلومول دي. د وسلو قاچاق او ترهګر راټول شوي دي.

د انټرپول په وینا، په پاکستان کې عملیات د نویو پلټنو او د هغو لارو په اړه د لا زیاتې بصیرت لامل شوي چې له افغانستان څخه پاکستان ته د وسلو او مهماتو د لیږد لپاره د لاریو لخوا کارول کیږي.

راپور زیاتوي چې دا عملیات د چین د عامه امنیت وزارت لخوا تمویل شوي.

باید وویل شي چې برونای، چین، هانګ کانګ او مکاو، اندونیزیا، جنوبي کوریا، قرغزستان، منګولیا، نیپال، پاکستان، فیلیپین او سنګاپور په دې عملیاتو کې ګډون کړی دی.

جمهورخبري آژانس