موږ هڅه کوو چې د راستنیدونکو لپاره د کار فرصتونه رامینځته کړو

په افغانستان کې د ملګرو ملتونو د مرستندویه پلاوي (یوناما) مشر د طالبانو د بهرنیو چارو سرپرست وزیر سره په لیدنه کې وویل چې دا اداره هڅه کوي د راستنیدونکو لپاره د کار فرصتونه رامینځته کړي.

د طالبانو د بهرنیو چارو وزارت نن پنشنبې  (د غبرګولي ۱۵ مه) په یوه بیان کې وویل چې سرپرست وزیر، مولوي امیر خان متقي، په افغانستان کې د ملګرو ملتونو د مرستندویه پلاوي مشرې، میرمن روزا اوتنبایوا سره ولیدل.

دواړو خواوو د راستنیدونکو کډوالو اړتیاوو، په ټوله نړۍ کې د میشتو افغانانو ستونزو، په هیواد کې پرمختګونو، د خصوصي سکتور پراختیا او پانګونې راجلبولو په اړه بحث وکړ.

متقي وویل چې طالبان باید وکولی شي په اروپا کې د میشتو افغانانو ستونزو ته لاسرسی ومومي او هغوی ته قونسلګري خدمات چمتو کړي، د هغوی قانوني مسلې حل کړي او د هغوی بشري حقونه خوندي کړي.

طالبانو په یوناما غږ وکړ چې په خپلو راپورونو کې حقایقو ته پام وکړي ترڅو په هیواد کې پرمختګونه او عمومي ثبات له نړۍ سره شریک کړي. میرمن روزا اوتنبایوا ټینګار وکړ چې ملګري ملتونه د افغانانو سره ولاړ دي.

هغې زیاته کړه چې د راستنیدونکو کډوالو لپاره د ژوند شرایطو برابرولو سربیره، دا اداره په افغانستان کې د کار فرصتونو د رامینځته کولو هڅه هم کوي.

اوتونبایوا وویل چې له افغانستان سره نړیوالې مرستې د بشري سکتور څخه هاخوا پراختیایي سکتورونو ته پراخې شوې دي.

جمهورخبري آژانس