ایران د اسراییلو پر وړاندې د توغندیو او ډرون بریدونو نوې څپه پیل کړه

د اسلامي انقلاب ساتونکو قول اردو په یوه بیان کې اعلان وکړ چې دوی د اسراییلو په مهمو تاسیساتو کې د دقیق توغندیو او بریدګرو ډرونونو په ګډون د ګډو تهاجمي عملیاتو نوې څپه پیل کړې ده.

د جمهور خبري آژانس د خبر له مخې د ایران د دولتي خبري اژانس په وینا، د توغندیو بریدونو په نوي پړاو کې، د نیول شویو سیمو په مرکزي سیمو کې څو دقیق توغندیو مهم بریښنا تاسیسات په نښه کړل، چې د رژیم د حیاتي زیربناوو ځینې برخې یې غیر فعالې کړې.

دا بریدونه د ایران د ګډ تهاجمي عملیاتو یوه برخه بلل شوې، چې پکې د بالستیک توغندیو او پرمختللو ډرونونو کارول شامل دي.

په ټولنیزو رسنیو کې خپاره شوي ویډیوګانې ښیې چې د کرج او شیراز په ګډون د ایران له مختلفو ښارونو څخه په اسراییلو توغندي توغول کیږي.

هغه انځورونه چې په ټولنیزو رسنیو کې په پراخه کچه خپاره شوي، د عملیاتو شدت او ساحه په ګوته کوي. د اسراییلو د پوځ یوه ویاند په یوه بیان کې تایید کړه چې "څه موده وړاندې د ایران له خاورې څخه اسراییلو ته څو توغندي توغول شوي وو."

هغه د احتمالي زیان یا تلفاتو په اړه نور جزئیات ورنکړل. په هرصورت، لومړني راپورونه ښیي چې د ایران لخوا توغول شوي توغندي د اسراییلو شمالي ښار حیفا ته رسیدلي دي.

خپور شوي انځورونه ښيي چې ډیری توغندي په ښار کې خپل هدفونه په نښه کړي او د اسراییلو د هوايي دفاع سیسټمونه د دوی په مخنیوي کې پاتې راغلي دي.

د فارس خبري اژانس دا هم ادعا کړې چې بریدونو په مرکزي اسراییل کې د بریښنا ویش شبکې ته "پراخه ګډوډي" رامینځته کړې او د رژیم ځینې مهم زیربناوې یې معیوب کړې دي.

اسراییلي چارواکو تر اوسه په رسمي ډول د هیواد په زیربنا باندې د بریدونو د زیان یا اغیزې په اړه څه نه دي ویلي، مګر راپورونه ښیي چې لږترلږه ۲۲ صهیونیسټان وژل شوي دي.

جمهورخبري آژانس