په ترکیه کې د طالبانو سفیر معرفي شو

د طالبانو د بهرنیو چارو وزارت  په یوه اعلامیه کې اعلان وکړ چې سرپرست وزیر مولوي امیرخان متقي ترکیې ته د خپل سفر په ترڅ کې په ترکیه کې د ډلې سفیر معرفي کړ.

د جمهور خبري آژانس د خبر له مخې طالبانو تېره شپه ناوخته (د چنګاښ ۴ مه) ویلي، امیرخان متقي په ترکیه کې د طالبانو د امارت د سفیر او فوق العاده استازي په توګه ثاني الله فرهمند معرفي کړ.

د معرفي په مراسمو کې، متقي وویل چې د ډلې او ترکیې ترمنځ ډیپلوماټیکې اړیکې د سفیرۍ کچې ته لوړې شوې دي.

هغه وویل چې هغه د طالبانو او ترکیې ترمنځ د ډیپلوماټیکو اړیکو د سرپرستۍ کچې ته لوړېدنه د دواړو خواوو ترمنځ د ښې همکارۍ او مثبتو اړیکو نښه ګڼي.

طالبان ادعا کوي چې د ترکیې سره د ډلې اړیکې د سفیرۍ کچې ته لوړې شوې دي، که څه هم هیڅ هیواد، په شمول د ترکیې، دا ډله په رسمیت نه ده پیژندلې، او دا ډله هم کورنی مشروعیت نلري.

جمهورخبري آژانس