په تهران کې د طالبانو سفارت د افغان قرباني کورنۍ سره خپله خواخوږي څرګنده کړه

په تهران کې د طالبانو سفارت اعلان وکړ چې د سفارت مشر په تهران کې د وروستي جرم د قربانیانو له کورنۍ سره خپله خواخوږي څرګنده کړې ده.

د جمهور خبري آژانس د خبر له مخې په تهران کې د طالبانو سفارت نن دوشنبې  (د زمري ۶ مه) په یوه بیان کې وویل چې د سفارت مشر فضل محمد حقاني د هغې افغانې میرمنې د کورنۍ له غړو سره ولیدل چې په دې وروستیو کې د تهران په جنوب کې د هغې د دریو ماشومانو سره په وحشیانه ډول ووژل شوه.

حقاني د پیښې په اړه خواشیني څرګنده کړه او ټینګار یې وکړ چې دا موضوع د ایران د اسلامي جمهوریت له اړوندو چارواکو سره په جدي توګه بحث شوې ده ترڅو د دې جرم عاملین وپیژندل شي او سزا ورکړل شي.

جمهورخبري آژانس