راپورونه وايي، ترکیه کې له یوه غره د واورې ښوېدو په پېښه کې ۳۳ تنو خپل ژوند له لاسه ورکړی او لسګونه نور تر واورو لاندې دي.

د فلسطین ولسمشر محمود عباس وایي، هېواد یې نور له اسرائیلو او امریکا سره هېڅ ډول اړیکې نه پالي او ټولې اړیکې یې ورسره ختمې کړې.

راپورونه وايي، عراق کې د امریکا پر سفارت درې راکټونه لګېدلي، چې له امله یې درې تنه ټپیان شوي دي.

امریکايي محکمې خپل ۵ سرتېري له افغانستانه د پيسو په غلا او دغه راز د لارو جوړولو، روزنیزو ځایونو او کلنیکونو په پيسو کې په لاس وهولو تورن کړي دي.

راپورونه وایي، د روسیې لومړي وزیر دیمیتري میدودوف خپله استعفا د روسیې ولسمشر ولادمیر پوتین ته وړاندې کړه.

د چين او امريکا ترمنځ د اقتصاد او سوداګرۍ د لومړي پړاو تړون لاسلیک شو.

د امریکا د استازو جرګې رسمآ د ولسمشر ډونالډ ټرمپ د استیضاح اسناد د دغه هېواد سنا ته سپارلي او که چې په سنا کې د هغه مخالفین ډېر شي، ښایي له دندې لرې کړی شي.

د برېتانیا دفاع وزیر رابرټ والاس وایي، امریکا د نړۍ په رهبري کولو کې ناکامه شوې او برېتانیا باید نور پر دغه هېواد خپله تکیه راکمه کړي.