۰
پکتیا کې قومي مشران:

چا چې خپل اولادونه ښوونځي ته ونه لېږل جریمه کوو یې

سی شنبه ۲۹ حوت ۱۳۹۶ ساعت ۱۳:۱۶
پکتیا کې قومي مشرانو د یوه تړون له مخې پرېکړه کړې، چې هغه کورنۍ به جریمه کېږي، چې پر شرایطو برابر هلکان ښوونځیو ته نه لېږي.
چا چې خپل اولادونه ښوونځي ته ونه لېږل جریمه کوو یې
پکتیا کې قومي مشرانو د یوه تړون له مخې پرېکړه کړې، چې هغه کورنۍ به جریمه کېږي، چې پر شرایطو برابر هلکان ښوونځیو ته نه لېږي.

د جمهور خبري آژانس د خبر له مخې دغه تړون د پکتیا ولایت په لجه منګل ولسوالۍ کې د قومي مشرانو له خوا په یوه غونده کې شوی دی.

د قومي مشرانو په دې پرېکړه کې ویل شوي هغه کورنۍ به ناغه کېږي، چې په ښوونځیو کې د شمولیت پر شرایطو برابر خپل ماشومان نه شاملوي.

یادو قومي مشرانو د نورو ولسواليو په ولسونو هم غږ کړی دی، چې په پکتيا کې د ښوونې او روزنې د بهير د پیاوړتيا په موخه دې ورته ګامونه واخلي.

قومي مشران وایي له دې پرېکړې یې موخه دا ده، چې خپل اولادونه په زده کړو سمبالول او د نوي عصر له غوښتنو سره سم وروزي.

په ورته وخت کې نن سه شنبې د کب ۲۹ مه سهار د پکتیا په مرکز ګردیز ښار کې هم د ښوونې او روزنې د ملاتړ په خاطر لاریون وشو.

دغه لاریون چې د یو شمېر قومي مشرانو، مدني ټولنو او ځوانانو له خوا په لار اچول شوی و په خپلو شعارونو کې ویل راځی چې خپل هلکان او نجونې په ښوونځیو کې داخل کړو.

دغه راز لاریون کوونکو ویل، چې د اسلام له ارشاداتو سره سم د علم زده کړه په هر نارینه او ښځینه فرض ده.

لاریونکوونکو پر ټولو هېوادوالو غږ وکړ، چې خپل ماشومان ښوونځيو ته ولېږي تر څو د افغانستان سوکاله راتلونکې تضمين شي.

جمهورخبري آژانس:کابل
 
 
 
ستاسو نوم

ستاسو دبرېښنا ليک پته
ستاسو نظر *

تر ټولو ډېر لیدل شوي