وزارت دفاع ملی کشور از کشته شدن دستکم 18 طالب مسلح در ولایت قندهار خبر میدهد.
به گزارش
خبرگزاری جمهور؛ وزارت دفاع ملی، امروز دوشنبه (24 جوزا) با نشر خبرنامهای گفته که روز گذشته، نیروهای دفاعی و امنیتی در مربوطات ولسوالی خاکریز ولایت قندهار، عملیات تصفیوی را راه اندازی کردند.
در خبرنامه آمده:"در نتیجه، 18 طالب تروریست کشته و 9 تن دیگر آنان زخمی شدند".
خبرنامه افزوده:"همچنان، مقداری از سلاح و مهمات شان نیز تخریب شد".
گروه طالبان تاکنون در این باره چیزی نگفته است.
خبرگزاری جمهور- کابل