د امریکا دفاع وزیر مارک ایسپر وايي، د روان میلادي کال د نومبر میاشتې تر پای پورې به افغانستان کې د امریکايي پوځیانو شمېر تر ۵ زرو راټیټ شي.
د
جمهور خبري آژانس د خبر له مخې ایسپر چې له فاکس نیوز تلوېزیون سره خبرې کولې ویلي« موږ غواړو چې په افغانستان کې د خپلو پوځیانو شمېر د نوومبر تر پایه تر ۵ زرو هم لږ کړو.»
خو په وینا یې پینتاګون لا هم مکلف دی چې د دې پلان په اړه کانګریس ته معلومات ورکړپ او دا هم یقیني کړي چې ایا له دې سره د تروریستانو له لوري له افغانستان څخه امریکا خو نه ګواښل کېږي.
ایسپر دا هم تایید کړه چې په افغانستان کې د امریکايي پوځیانو شمېر له دې سره کموي چې طالبانو د فبرورۍ د ۲۹ نېټې د موافقې خلاف د افغانستان د دولت پر ضد بریدونو ته زور ورکړی دی.
د امریکا دفاع وزیر دا څرګندونې پر داسې مهال کوي، چې څو ورځې وړاندې د امریکا ولسمشر دونالډ ترمپ په یوه مرکه کې ویلي و چې د نوومبر په درېمه د امریکا د ولسمشرۍ تر انتخاباتو پورې به له افغانستانه د ۴ زره او ۵ زره ترمنځ امریکايي پوځیان له افغانستانه څخه وباسي.
جمهورخبري آژانس:کابل