د نفتي موادو سوداګر دې بې کیفیته مواد نه وارېدوي

د افغانستان د اسلامي امارت د استنډرډ ملي ادارې د نفتي موادو ټولو سوداګرو ته خبرداری ورکړی چې هېواد ته د بې کیفیته نفتي موادو له واردولو ډډه وکړي.

د جمهور خبري آژانس د خبر له مخې یادې ادارې په یوه خبرپاڼه کې ویلي، هغه سوداګر چې د تیلو او ګازو واردات کوي له دې وروسته دې د بې کیفیته موادو له واردولو ډډه وکړي.

په خبرپاڼه کې خبرداری ورکړل شوی، چې که چا له دغه امر څخه سرغړونه وکړه نو و به نیول شي او سخت سزا به ورکړل شي.

سرچینه وایي، د بې کیفیته نفتي موادو استعمال د چاپیریال ترڅنګ د انسانانو روغتیا ته هم زیان رسوي او د دغې چارې د مخنیوي لپاره یې د عامې روغتیا وزارت سره په ګډه کار پیل کړی دی.

جمهورخبري آژانس:کابل