امریکا پر افغانستان د پاکستان د هوايي بریدونو ملاتړ وکړ

د امریکا د بهرنیو چارو وزارت د افغانستان پر جنوبي سیمو د پاکستاني پوځ د هوايي بریدونو ملاتړ اعلان کړ.

د امریکا د بهرنیو چارو د وزارت ویاند متیس میلر د یوې اعلامیې په خپرولو سره ویلي، چې واشنګټن له اسلام اباد سره د ترهګرو ډلو پر وړاندې په مبارزه کې همکاري کوي.

د هغه په ​​وينا، امريکا په ټوله سيمه کې د ترهګرو ډلو له ګډ ګواښ سره په مبارزه کې له پاکستان سره همکارۍ ته ژمنه ده.

هغه زیاته کړه، موږ تل له پاکستاني چارواکو سره په تماس کې یو او د دوه اړخیزو مشورو او خبرو اترو په چوکاټ کې د افغانستان په اړه او له ترهګرۍ سره د مبارزې په اړه خبرې کوو.

دا په داسې حال کې ده، چې تېره ورځ سهار وختي پاکستاني پوځیانو د افغانستان په خوست، پکتیکا او کنړ ولایتونو کې په څو مواردو کې بریدونه وکړل.

په دغو بریدونو کې یو په خوست کې هم څو تنو ته مرګ ژوبله اوښتې او په نورو پېښو کې د مرګ ژوبلې راپور نه دی خپور شوی.

جمهورخبري آژانس