د افغانانو سره د امریکا مرستې د یوې ترهګرې ډلې لاس ته ورځي

د افغانستان د بیارغونې لپاره د امریکا ځانګړی مفتش جان سوپکو وايي، د افغانستان له خلکو سره د امریکا نغدي مرستې د یوې ترهګرې ډلې (طالبانو) لاس ته رسېږي.

ښاغلي سوپکو په خپله وروستۍ مرکه کې ویلي دي چې «د هغو پیسو ډیره برخه چې د ملګرو ملتونو له لارې [افغانستان ته] په نغدو پیسو ځي د امریکايي مالیه ورکونکو څخه راځي. "

هغه زیاته کړه، له هغه وخته چې طالبانو د افغانستان واک تر لاسه کړ، ملګرو ملتونو له ۲.۹ میلیارد ډالرو څخه زیاتې نغدې پیسې وارد کړې دي.

د هغه په ​​وينا، ملګري ملتونه دغه پيسې په يوه خصوصي بانک کې جمع کوي او د مرستو رسولو ادارو او غير انتفاعي بشري ډلو ته ورکوي.

جان سوپکو وویل چې دغه نغدي مرستې دلته پای ته نه رسېږي او یو شمېر یې د افغانستان مرکزي بانک ته ځي چې د طالبانو تر کنټرول لاندې دي.
هغه یادونه وکړه چې متحده ایالات، ملګري ملتونه او مرستندویه ادارې کولی شي په افغانستان کې د نغدو پیسو د رسولو په اړه ښه کنټرول وکاروي، مګر "که هیڅوک پام ونه کړي، نو تاسو به په لاسوهنه، درغلۍ او ناوړه ګټه اخیستنې پای ته ورسیږئ."

دا په داسې حال کې ده چې په دې وروستیو کې د امریکا د مشرانو جرګې غړي مارکو روبیو په افغانستان کې د ملګرو ملتونو سازمان ته د امریکا د مرستو د ځنډولو یوه لایحه وړاندې کړه او ویې ویل چې باید ډاډ ترلاسه شي چې طالبان دې مرستو ته لاس رسی نه لري.

هغه دا هم په دې باور دی چې "د امریکا د مالیه ورکوونکو ډالر باید د طالبانو په څېر تروریستي سازمانونو ته ګټه ونه رسوي. له بده مرغه موږ نن د دې سناریو د تطبیق شاهدان یو. تر څو چې موږ په ډاډه زړه پوه شو، موږ باید د ملګرو ملتونو له مرستې ډډه وکړو."

د يادونې وړ ده، چې د طالبانو له واکمنۍ وروسته امريکا د ملګرو ملتونو له لارې افغانستان ته په اوونۍ کې څلوېښت ميليونه ډالره نغدي مرسته لېږلې ده.

جمهورخبري آژانس