د بشري حقونو شورا نن په افغانستان کې د بشري حقونو وضعیت څیړي

د ملګرو ملتونو د بشري حقونو د شورا د دورې د بیاکتنې کاري ډلې به نن دوشنبې د ثور  ۱۰مه په افغانستان کې د بشري حقونو د وضعیت په اړه غونډه وکړي.

د بشري حقونو د شورا د کاري ډلې غونډه به د ۲۰۲۴ کال د اپریل له ۲۹ څخه د مې تر ۱۰ مې نیټې د سویس په جنیوا کې جوړه شي چې پکې د افغانستان په ګډون د ۱۴ هېوادونو د بشري حقونو ریکارډونه وڅېړل شي.

د بشري حقونو شورا اعلان کړی چې د دغې غونډې په لومړۍ ورځ به د نیوزیلنډ د بشري حقونو راپور تر غونډې مخکې وڅېړل شي او له غونډې وروسته به د افغانستان راپور وڅېړل شي.

د اعلامیې پر بنسټ، هغه اسناد چې پر بنسټ یې څیړنه ترسره کیږي، د هیواد ملي راپور، د بشري حقونو د خپلواکو ډلو او کارپوهانو راپورونه، د بشري حقونو د بنسټونو او مدني ټولنو معلومات شامل دي.

دغه راز د هېوادونو استازو د هغو فعاليتونو په اړه چې په تېره دوره کې يې د وړانديزونو د عملي کولو او د بشري حقونو په برخه کې د پرمختګونو په اړه خبرې کړې وې، خبرې وکړې.

په نننۍ غونډه کې د بشري حقونو په شورا کې د دغه هېواد د استازي نصیر احمد اندېشه په مشرۍ افغان پلاوی ګډون کوي.

په همدې حال کې د طالبانو تر واک لاندې افغانستان د ښځو او قومي او مذهبي لږکیو د بشري حقونو د سرغړونې په ګډون د بشري حقونو تر ټولو ناوړه وضعیت کې دي.

جمهورخبري آژانس