افغانستان سره د مرستو لپاره ۶ سلنه بودجه راټوله کړل شوې

ملګري ملتونه وايي چې د افغانستان له خلکو سره د مرستې لپاره د غوښتل شویو او اړتیا وړ مرستو یوازې شپږ سلنه د نړیوالو مرستندویانو له خوا ورکړل شوي دي.

دغه سازمان نن یکشنبه د وري په ۱۹مه د یوې اعلامیې په خپرولو سره له نړیوالې ټولنې او مرسته کوونکو هېوادونو غوښتي چې د افغانستان له خلکو سره د مرستې لپاره خپلې هڅې دوه چنده کړي.

د دغه سازمان د معلوماتو له مخې، د هغو ۳.۰۶ میلیاردو ډالرو په ګډون چې د افغانستان خلکو ته د مرستو د رسولو لپاره غوښتل شوي وو، یوازې ۶ سلنه یې ورکړل شوي دي.

دغه سازمان په افغانستان کې بشري ننګونې سترې بللې دي.

دا په داسې حال کې ده، چې د ملګرو ملتونو سازمان ویلي، چې تر ۲۰۲۴ کال پورې به په افغانستان کې نږدې ۲۴ میلیونه وګړي بشري مرستو ته اړتیا ولري.

جمهورخبري آژانس