واکنش اغبر به سفر هیات طالبان به تاجیکستان؛ هیچ تغییری در سرقنسولگری خاروغ نیامده

همزمان با نشر گزارش‌های در مورد سفر یک هیات طالبان به تاجیکستان و بازدید آنان از قنسولگری خاروغ در مرکز بدخشان این کشور، ظاهر اغبر سفیر دولت پیشین افغانستان گفته که هیچ تغییری در این قنسولگری به وجود نیامده‌است.

آقای اغبرناوقت روز شنبه 5 حمل، با نشر اعلامیه‌ای گفته که موقف تاجیکستان در قبال طالبان نیز واضح است.

او تاکید کرده که سفارت افغانستان مقیم تاجیکستان به فعالیت‌های سیاسی خود به‌طور معمول ادامه می‌دهد و خانه عدالت‌خواهی و آزادی‌خواهی، مردم افغانستان است.

وزارت خارجه طالبان دیروز شنبه اعلام کرد که یک هیات این وزارت به تاجیکستان سفر کرده و از قنسولگری خاروغ بازدید کرده‌است.

این وزارت گفته بود که هیات میزان خسارت وارده در نتیجه سیلاب بر قنسولگری را بررسی کرده‌است.

گفته‌های نیز وجود دارد که هیات طالبان به هدف گفتگو در مورد واگذاری قنسولگری خاروغ به این گروه به تاجیکستان رفته بوده‌است.

خبرگزاری جمهور